Kako se navodi, dječak Iga Pol igrao se u blizini obale jezera Edvard kada ga je napao nilski konj. 

Policija je saopštila da je nilski konj zgrabio mališana i progutao polovinu njegovog tijela, a da je jedan lokalni stanovnik uspio da odbije nilskog konja bacajući na njega kamenje.

Službe Ugande nadležne za divlje životinje osporile su taj izvještaj, rekavši za Bi-Bi-Si da je dječak bio napadnut, a ne progutan.

Policija je navela da je nakon napada, koji se dogodio 4. decembra, mališan odvezen u obližnji medicinski centar gdje mu je ukazana pomoć zbog zadobijenih povreda, a da je kasnije prebačen u bolnicu Bvera, gdje je dobio vakcinu protiv bjesnila iz predostrožnosti.

Policija je saopštila da je to bio prvi put da je nilski konj izašao iz jezera i napao nekoga. 

Međutim, procjenjuje se da te životinje, koje mogu da teže do 1,5 tona, ubijaju oko 500 ljudi godišnje u Africi.

(Foto: Ilustracija Pixabay)