Sve djevojke koje još uvijek nisu pronašle svoju kombinaciju za maturu, ili nemaju mogućnosti da je kupe, ne treba da brinu, jer se Jelena Boljević potrudila da im taj problem riješi.
Ona je pokrenula Instagram stranicu “Sestre po haljinama”, gdje se trenutno poklanja oko 100 maturskih kombinacija.
– Ja se bavim modnim aktivizmom. Ova ideja je proistekla iz toga, jer ne želim da živim u svijetu u kome se baca na deponije i sa toliko tekstilnog otpada, a u isto vrijeme da neka djevojčica ne može da iskusi odlazak na maturu jer ne može da ga priušti. Tako da ovo je mješavina toga da spašavamo planetu i pomažemo jedni drugima – izjavila je Boljević, a prenosi RTV.
Haljine uglavnom doniraju djevojke iz Srbije, a više od 50 njih je stiglo i iz Dubajia od stilistkinje Jelene Dančetović. Pored toga što misli na maturantkinje, ona na ovaj način takođe brine i o planeti.
Do sada je podijeljeno više od 20 haljina, a mnoge od njih još uvijek čekaju svoju vlasnicu. Stoga, nemojte se ustručavati i javite se porukom na stranicu “Sestre po haljinama” jer će se djevojke koje stoje iza ove akcije sigurno potruditi da maturantkinje zasijaju na maturskoj večeri, piše Blic.
