Grom je izazvao požar na dvije ekonomske zgrade u domaćinstvu Svetomira Markovića u pirotskom selu Rudinje.
Vatrena stihija je buknula sinoć oko 22.30 sati u trenutku kad je u jednu od dvije “plevnje” udario grom. Vatra se brzo proširila na obližnju zgradu u kojoj je bilo sijeno.
Materijalna šteta je velika, a povrijeđenih na svu sreću nema. U prizemnom dijelu jedne zgrade nalazio se traktor koga su mještani izgurali i spriječili veću štetu. U zgradama nije bilo stoke.
Vatrogasci su reagovali na vrijeme i spriječili širenje vatre na okolne zgrade, piše portal Pirotske vesti.
