Snimak je inače lošeg kvaliteta, jer je to veče bilo i magle, piše Blic.

Inače, Riječna policija uputila se danas u potragu za Perišem i plove pored Beton hale duž rijeke Save. Otac nestalog Periša Nenad trebalo bi danas da stigne u Beograd.

Podsjetimo, u noći između četvrtka i petka, odnosno 31. decembra oko 2.30 gubi se svaki trag mladiću iz Splita Mateju Perišu. On je sa svojim društvom došao u Beograd na doček Nove godine.

Oni su u razgovoru za medije ispričali da je njih sedmoro u veče nestanka najprije otišlo na večeru u jedan restoran u Beton hali, a onda u klub "Gotik". 

Kada je u jednom momentu društvo shvatilo da Mateja već neko vrijeme nema, počeli su da ga traže unutra. Na izlazu iz kluba, shvatili su da je njegova jakna ostala u garderobi. Nastavili su potragu i okolo. Drugovi su nakon potrage otišli u smještaj, gdje su se nadali da će ujutro doći. Kada se to nije desilo, kontaktirali su sa policijom.