Naomi Osaka je prva Japanka u istoriji tenisa koja će igrati u finalu nekog grend slema.
Ona je u polufinalu pobijedila Amerikanku Medison Kiz lakše i brže nego što se očekivalo – 6:2, 6:4.
Meč je trajao sat i 28 minuta i Japanka je u tom period uspjela da odbrani čak 13 brejk lopti.
Ona će u finalu u subotu igrati protiv svog idola, Amerikanke Serene Vilijams koja se plasirala se u finale US opena poslije pobjede nad Anastasijom Sevestovom iz Letonije – 6:3, 6:0.
“Mnogo mi znači ovaj trenutak, hvala vam svima. Odbranila sam 13 brejk lopti jer sam jako željela da igram protiv Serene. Zašto?! Zato što je ona Serena! Čudno mi je da sam u finalu. Tresla sam se u nekim trenucima i samo sam govorila sebi da ne napravim neku duplu grešku. Poruka za moju mamu: ‘Uspjela sam’, a poruka za Serenu: ‘Volim te’.”
