Partizan je poražen od ekipe Zadra u 5. kolu ABA lige i zabilježio peti uzastopni poraz u oba takmičenja što je zahtjevalo hitne promjene.
Loša forma Partizana dovela je do smjene Nenada Čanka. Trener Partizana poslije teškog poraza od Zadra podnio je ostavku.
Kako se nezvanično može čuti, prvi kandidat za novog trenera crno-bijelih je Andrea Trinkijeri, italijanski trener hrvatskog porijekla, koji ima iskustvo vođenja kluba u Evroligi iz vremena kad je trenirao Bamberg.
Kao drugi kandidat razmatra se Aleksandar Kesar, koji je ranije bio pomoćni trener crno-bijelih u vrijeme Duška Vujoševića, kao i pomoćni Dudi Ivkoviću na klupi Srbije, a radio je i u omladinskim selekcijama reprezentacije. Posljdnji trenerski angažman bio mu je u Kini.
Među navijačima crno-bijelih pominje se i Vlado Šćepanović kao moguća opcija.
Konačno, već neko vrijeme se priča o Aleksandru Saši Đorđeviću, ali on se, prema onom što se može čuti, i dalje drži podalje od vruće klupe tima kome je donio najveću radost u istoriji.
(Espreso)
