Američki glumac i scenarista Vudi Harelson pojavio se na Vimbldonu, a generalni utisak medija u Engleskoj je "bolje da nije".
Harleson je poznat po ulogama u serijama Cheers, True Detectiv, kao i filmova White men can't Jump, The People vs. Larry Flynt, za koji je bio nominovan i za Oskara za ulogu Larryja. Za Cheers je dobio i nagradu Emmy 1989. godine.
Na Vimbldonu je ipak skrenuo pažnju na sebe ponašanjem na tribinama nakon što je popio više bijelog vina nego što je trebao.
Odšetao je sa svog mjesta, posrtao, krišom pio još alkohola, a najupečatljivije su grimase koje je pravio na tribinama.
Englezi kažu da je napravio skandal i da takvim nije mjesto na tribinama Vimbldona. Slično je i sa onima koji aplaudiraju na dvostruke servis greške.
