Policajac je služio u jednoj od ispostava koje postoje u raznim dijelovima Svete gore, kako se navodi u blizini Hilandara, koja je izolovana.

– Žalosno je što je bio tako mlad. Čuo sam da nije mogao da se nosi sa usamljenošću u ispostavi u kojoj je lociran kod manastira Hilandar. Istina je da je mjesto izolovano – rekao je monah, prenosi Blic.

Kako je rekao monah, na Svetoj gori postoje razne ispostave u kojima se nalaze policajci, a neke su baš izolovane i zaboravljene.

– Oni koji su u Hilandaru su sami, ne postoji kontakt sa ljudima. Znam da postoje policajci koji žele tamo da odu, i oni koji izbjegavaju. Čuli smo da taj policajac od početka nije želio da ode tamo – rekao je monah.

Prema pisanju medija, policajac se upucao službenim oružjem u policijskoj stanici Hilandar.

Do incidenta je došlo jutros oko 10 sati, doktori su otišli na lice mjesta, ali je bilo prekasno.

Policija ispituje uzrok incidenta, a njegovo tijelo će biti prebačeno u Solun na obdukciju.