Austrijski grad Salcburg izgubio je ekskluzivno pravo da proizvodi poznatu poslasticu Mocart kugle nakon što je fabrika koja ih je pravila bankrotirala.
Fabrika koja je proizvodila 57 miliona kugli godišnje zatvorena je krajem godine, djelimično i zbog rasta cijena kakaoa, prenio je britanski Gardijan.
Licencu za proizvodnju Mocart kugli već nekoliko godina drži američki konglomerat Mondelez koji će sada potražiti novu lokaciju za produkciju ovog popularnog slatkiša.
Odluka još nije donesena, ali lokalni mediji navode da će to vjerovatno biti u Češkoj gdje su niži proizvodni troškovi, prenosi b92.
Fabrika "Mirabel-Verk" u Gredigu, kod Salcburga, u kojoj se više od jednog vijeka proizvodio čuveni "Echte Salzburger Mozartkugel", se zatvorila.
Poslednja kuglica, od 17,1 gram čokolade sa mješavinom marcipana, pistacija i nugata, proizvedena je 5. decembra, označavajući kraj jedne ere.
