Đoković je u ponedjeljak započeo 419. nedjelju na liderskoj poziciji ATP liste, a danas je postao najstariji broj jedan u istoriji tenisa prestigavši Rodžera Federera.

Srpski teniser je sa 36 godina i 321 danom premašio prethodni rekord švajcarskog igrača Federera koji je imao 36 godina i 320 dana kada je 2018. godine bio na čelnoj poziciji ATP liste.

Federer je ukupno u karijeri 310 nedjelja bio prvi, a Đoković će već u ponedjeljak stići do 420. nedjelje na prvom mjestu.

Đoković će sljedeće nedjelje igrati na masters turniru u Monte Karlu gdje je postavljen za prvog nosioca. U prvom kolu je slobodan, a u drugoj rundi igraće protiv boljeg iz duela Romana Safjulina i kvalifikanta.

Teniseri s najvećim brojem nedjelja na prvom mjestu:

1. Novak Đoković 419

2. Rodžer Federer 310

3. Pit Sampras 286

4. Ivan Lendl 270

5. Džimi Konors 268

6. Rafael Nadal 209

7. Džon Mekinro 170

8. Bjern Borg 109

9. Andre Agasi 101

10. Lejton Hjuit 80

Đoković i Nadal su jedini aktivni teniseri među 10 s najvećim brojem nedjelja na prvom mjestu.

Đoković će u ponedjeljak, 8. aprila započeti 420. nedjelju na liderskoj poziciji ATP liste.

Pratite nas i putem Vibera