Dosadašnji golman Hapoela Ber Ševe Omri Glazer potpisao je danas ugovor sa Crvenom zvezdom, saopštio je beogradski klub.
Glazer (27) je posljednje dvije sezone branio za Hapoel, a prije toga je bio član Sekcije Nes Zione, Makabija iz Haife i Hapoel Ranane.
On će na golu šampiona Srbije da zamijeni Milana Borjana, koji je otišao na pozajmicu u Slovan iz Bratislave. Izraelski golman će nositi dres sa brojem 18, a Crvena zvezda je na društvenim mrežama poželjela dobrodošlicu novom pojačanju.
Glazer je za reprezentaciju Izraela nastupio na pet utakmica, a u beogradski klub je stigao na insistiranje novog trenera "crveno-belih" Baraka Bahara.
