Los Anđeles ima novu realnost, Klipersi imaju najbolji skor u NBA ligi, Lejkersi najgori u posljednjih deset godina.

 
Lejkersi su izgubili od San Antonija 108:105 za rekordni peti poraz u nizu u sezoni. Klipersi su nadigrali Dalas 99:93 za najbolji start u prvih 28 utakmica.

Boston je uz pomoć rezervista savladao Finiks 87:79, Oklahoma Siti je bila ubjedljiva protiv Minesote 106:84, dok su poraze doživjeli Čikago i Hjuston.

San Antonio Sparsi savladali su Los Anđeles Lejkerse 108:105, nanijevši timu iz Kalifornije peti uzastopni poraz, za najgori start sezone u prvih 35 utakmica još od sezone 2002-2003.

Sparsi su maksimalno iskoristili odsustvo Dvajta Hauarda i Pau Gasola i šetali se kroz reket Lejkersa, a predvodio ih je Toni Parker sa 24 poena (10/16 iz igre) uz 6 asistencija. Još pet njegovih saigrača imalo je dvocifren broj poena, 19 je ubacio Manu Đinobili uz 8 skokova, dok je Tijago Spliter imao po 14 poena i skokova.

Kobi Brajant je postigao 28 poena (10/24) uz 5 asistencija i 4 skoka i promašen šut za produžetak. 23 poena uz 8 skokova i 7 ukradenih loptima imao je Meta Vorld Pis, dok je Erl Klark uz 22 poena imao 13 skokova. Lejkersi nemaju problema u napadu, ubacili su po 30 poena u poslednje dvije četvrtine, ali odbrana je ta koja donosi pobjede. Problem je samo što je Majk D'Entoni ofanzivni trener.

Los Anđeles Klipersi savladali su Dalas Meverikse 99:93 i sa 28-8 predvode NBA ligu. Klipersi su produžili rekordan niz pobjeda na domaćen terenu na 13, a predvodio ih je Kris Pol sa 19 poena uz 16 asistencija i 5 skokova. 19 poena uz 7 uhvaćenih lopti imao je Met Barns, dok je Blejk Brifin dodao 15 poena uz 13 skokova. Deren Kolison je predvodio Mevse sa 22 poena uz 6 asistencija i 4 skoka, 17 poena dodao je O Džej Mejo, dok je Dirk Novicki ubacio 15 (5/13) uz 6 skokova.

Boston Seltiksi ostvarili su četvrtu uzastopnu pobjedu nadigravši Finiks Sanse 87:79. Briljirali su rezervisti Seltiksa sa 49 poena, a posebno se istakao Džered Salindžer sa 12 poena i 16 skokova. Svoje veče imao je i Džef Grin sa 14 poena, na godišnjicu operacije srca. 13 poena uz po 5 skokova i asistencija dodao je Džejson Teri, dok je samo Kevin Garnet imao dvicifren učinak od startera (Pirs 7p, 7sk; Rondo 8p, 8as). Najbolji u Sansima bio je Luis Skola sa 16 poena i 8 skokova, Marčin Gortat je ubacio 12 poena uz 14 skokova i 5 blokada, dok je Džered Dadli imao 14 poena, 10 skokova i 5 asistencija.

Oklahoma Siti Tander je lako savladala Minesota Timbervulvse 106:84 uz 26 poena Kevina Durenta (10/17) koji je imao i 8 skokova, 4 blokade te po 3 asistencija i ukradene lopte. Rasel Vestbruk je dodao 23 poena uz 8 skokova i 7 asistencija. Nikola Peković je ponovo predvodio T-Vulvse sa 17 poena i 10 skokova, dok je 18 poena ubacio Aleksej Šved, ali uz 7 izgubljenih lopti.

Jedno od iznenađenja večeri je pobjeda Milvoki Baksa nad Bulsima u Čikagu sa 104:96. Dominirao je Brendon Dženings sa 35 poena (12/24) uz po 6 skokova i asistencija. 16 poena dodao je Majk Danlivi junior, a 14 Monta Elis uz po 5 skokova, asistencija i ukradenih lopti. Karlos Buzer je bio najbolji u Bulsima sa 22 poena i 11 skokova, 19 poena uz 6 asistencija i po 5 skokova i ukradenih lopti imao je Nejt Robinson, dok Vladimir Radmanović nije ulazio u igru.

NBA  rezultati:

Toronto - Filadelfija 90:72
Šarlot - Juta 102:112
Klivlend - Atlanta 99:83
Boston - Filadelfija 87:79
Čikago - Milvoki 96:104
Nju Orleans - Hjuston 88:79
San Antonio - LA Lejkers 108:105
Oklahoma Siti - Minesota 106:84
Denver - Orlando 108:105
LA Klipers - Dalas 99:93
Golden Stejt - Memfis 87:94

(B92)