Naoružani napadači ubili su jutros najmanje 51 osobu tokom napada na sela u saveznoj državi Plato na sjeveru Nigerije, potvrdili su za medije očevici i organizacija Amnesti internešnal.
Ovaj napad se dogodio dvije nedjelje nakon sukoba u drugom dijelu države Plato, u kojima su poginule desetine ljudi, prenosi Rojters.
Nacionalna agencija za vanredne situacije je saopštila da su prije dvije nedjelje u napadima militanata na području države Plato poginule najmanje 52 osobe, a raseljeno je skoro 2.000 ljudi.
Prema tvrdnjama očevidaca, nakon jutrošnjeg napada pronađeno je 51 beživotno tijelo u selima Zike i Kimakpa u okrugu Basa u državi Plato, a više ljudi je povrijeđeno.
"U toku su sahrane. Sada vlada bijes na ovom području", rekao je sagovornik izvještača Rojtersa i potvrdio da su "napadači bili stočari".
U državi Plato su česti smrtonosni obračuni između zemljoradnika i stočara.
.webp)
.webp)
