Policija Tunisa ušla je u prostorije televizije "Al džazira" u istoimenom glavnom gradu ove zemlje, javio je kanal čije je sjedište u Kataru.
Akcija je uslijedila nakon što je predsjednik Kais Said smijenio vladu, što su njegovi protivnici opisali kao državni udar.
Rojters je prenio da su se Saidove pristalice i protivnici gađali kamenjem ispred zgrade parlamenta i da je jedan čovjek povrijeđen. Nacionalna valuta dinar danas je naglo oslabila.
"Al džazira" navodi da je najmanje 10 teško naoružanih policajaca ušlo u njene kancelarije i da su rekli da postpaju po nalogu, nakon čega su svi zaposleni morali da izađu.
Kompjuteri i telefoni reporetera su zaplijenjeni, dodaje se u izvještaju, prenio je "Sputnjik".
Predsjednik Said je saopštio da će preuzeti izvršna ovlaštenja uz pomoć novog premijera.
