Dječak T. J. (12), koji je u ponedjeljak oko 17.30 u Ulici braće Grim 18 pao s petog sprata, nalazi se u Urgentnom centru i bio je u teškom stanju. Roditelji i dalje ne znaju kako je došlo do strašne nesreće na terasi njihovog doma na Paliluli.
Otac i majka teško povrijeđenog mališana cijelu noć proveli su u bolnici, čekajući da njihovom sinu bude makar malo bolje, ali su sutradan oko 12 sati poslati kući bez dobrih vijesti.
- Naš sin je i dalje u teškom stanju. Nismo u stanju da razgovaramo o tome, mnogo nam je teško. Ne znamo ni kako je došlo do toga, odnosno da li je pao ili je skočio - rekao je vidno utučeni otac nesrećnog mališana.
Kako se saznaje, T. J. je u ponedjeljak nakon reanimacije u Urgentnom centru smješten na odeljenje intenzivne nege sa višestrukim prelomima.
U trenutku nesreće u stanu dječaka, u kojem živi sa roditeljima i bratom, koji ima šest godina, nalazio se samo njegov otac, a terasa ima betonsku ogradu, pa je moguće da se mališan popeo na nju, nakon čega je usljedila nesreća.
- Čuli smo samo tup udarac. Niko ga nije vidio kako pada. Otac je odmah istrčao napolje i zatekao ga na betonu pored ulaza u zgradu. Hitna je ubrzo stigla i odvela dječaka u Urgentni centar - ispričali su stanari zgrade u Ulici braće Grim.
.webp)
.webp)
