Mančester Junajted doživio je debakl (6:3) u gradskom derbiju protiv Sitija, a mnoge je intrigiralo zašto Kristijano Ronaldo nije ulazio u igru.
Trener crvenih đavola Erik Ten Hag otkrio je zašto portugalski superstar nije odigrao ni minut.
"Naš nastup je bio neprihvatljiv. Zaista ovako nešto nisam očekivao, niti mogao da zamislim. U prethodnim mečevima naš tim je pokazao napredak, dobru atmosferu i zalaganje. Nažalost, ništa od toga nisu prenijeli na teren. Kada igrate protiv igrača top klase, kakve ima Mančester Siti, morate da pružite svoj maksimum. Mi danas to nismo pokazali, što je nedopustivo. Nisam htio u igru da uvodim Ronalda iz poštovanja prema njemu i njegovoj velikoj karijeri“, rekao je Holanđanin, pa se potom dotakao Marsijala, koji je dobio šansu sa klupe:
"Sa njim je drugačija situacija. Htio sam da ga uvedem jer su mu potrebni minuti i vidjeli ste kako je odigrao", rekao je Ten Hag.
Ronaldo je cijelu utakmicu svog kluba prosjedio na klupi, dok je Marsijal u igru ušao u 59. minutu umjesto Markusa Rašforda. Francuz je postigao dva pogotka za Junajted, koji su mu prvi nakon jednogodišnjeg posta.
