Glasine da je Bajern zainteresovan za Erlinga Holanda nisu uticale na njegovu želju za odlaskom.

“Ne, nema to veze s Erlingom. Čak i ako nešto nije dobro za mene, istina mi je važnija. Takav sam. Ne želim da pričam o tome šta se tačno dogodilo, ali ako me pitate jesam li htio da odem zbog njega, nisam. Nije mi bio problem njegov eventualni dolazak”, rekao je Levandovski, a Holand je na kraju iz Borusije Dortmund prešao u Mančester siti.

Poljski napadač istakao je da mu neki ljudi u Bajernu nisu govorili istinu, već nešto sasvim drugo.

"A to mi je oduvijek bilo najvažnije, biti iskren. Nekima je to bio problem i shvatio sam da je možda pravo vrijeme za odlazak u Barselonu. Imao sam jako dobar odnos sa saigračima, stručnim štabom i trenerom - te će mi stvari nedostajati jer bilo mi je prelijepo tamo. Nismo samo prijatelji na terenu, već i više od toga. Ali to je poglavlje završeno i otvorio sam novo”, kaže Levandovski i dodaje:

„Bilo je dosta politike u svemu što se događalo posljednjih nekoliko godina prije mog odlaska iz Bajerna. Klub je htio da nađe neki razlog zašto me prodaje jer mu je bilo teško objasniti to navijačima, a ja sam to morao da prihvatim iako su o meni pričali mnogo gluposti. Ali, znao sam da me navijači podržavaju“.

Levandovski (33) je u Bajernu bio od 2014. godine i u tom razdoblju postigao čak 344 pogotka u 375 utakmica u svim takmičenjima. Za Barselonu je potpisao u transferu vriednom oko 45 miliona evra.