Američka glumica Sara Džesika Parker na Instagramu je otkrila da je udomila mače koje je njen lik Keri Bredšo imala u drugoj sezoni serije "I tek tako...".
Šu, kako se mače zove u seriji, u pretposljednjoj epizodi druge sezone osvojio je Kerino srce, a isto tako se i Sara u stvarnom životu zaljubila u njega, prenio je LA Tajms.
"Njegovo ime van kamera je Lotus. On i njegova braća su svi dobili imena po biljkama, kada ih je prihvatilište spasilo kao novorođenčad. Službeno je udomljen u porodici Parker-Broderik u aprilu 2023. Pridružio se Remiju i Smili koje smo udomili u maju 2022. Ako vam izgleda poznato, to je zato što i jeste", napisala je Sara na Instagramu.
Prihvatilište za životinje je na Instagramu objavilo dodatne detalje o Lotusu.
"Neki kućni ljubimci dobiju zaista uzbudljive udomitelje. Mali Lotus bio je na setu 'I tek tako...' sa Sarom Džesikom Parker na Menhetnu. Jeste li vidjeli njegov presladak debi? I toliko mu se dopala sva ta pažnja da je odlučio da ostane u šouu", napisali su vlasnici azila za životinje, prenosi Tanjug.
