Damir Radoičić, poznatiji kao Dača Dak, nakon 20 godina medijske ilegale, progovorio je za Kurir i otkrio mnoge tajne grupe sa kojom je harao devedesetih godina.
Vlasnik je mnogobrojnih hitova koje se pjevaju i dan danas, a jedna od njih je i pjesma "Pedro", koja je bila obrada Madonine najpoznatnije numere u to vrijeme.
Nakon što je Ksenija Pajčin napustila grupu i započela solo karijeru, pjevačica Coka je snimila pomenutu numeru sa Dačom i zavladala dens scenom u to vrijeme.
Dača je za Kurir otkrio da li je istina da je Madona "strajkovala" pjesmu sa Jutjuba zbog kršenja autorskih prava jer su navodno snimili bez dozvole njenog tima.
- Ta priča nije tačna. Kada sam izbacio "Pedra", preko Sokoja je stigao upit, to je bilo 1999/2000. godine. Na tom CD piše da je to obrada Madonine pjesme, ništa nismo krili. Odgovorili smo na taj upit da je u pitanju parodija na pjesmu zapravo tekstualna parodija na tu temu. Stvarno nismo imali nikakve dodatne upite, nije bilo "strajkovanja" jer Jutjub je, čini mi se, 2003. godine počeo da bude popularan, tako da tu nije bilo nikakvih problema.
