Pjevač je sada progovorio o dugovanju, kao i o sukobu sa Tigrom. On je  objasio da je "platio 80.000 evra na dug od 40.000", nazvao Popovića "zelenašem", a ovaj mu je poručio da "požuri i plati jer su kamate visoke".

"Moj život je transparentan, kockao sam, puno zarađujem...Baš skoro sam pričao o zelenaškim pozajmicama, niko nas nije vukao za uši i sami smo prihvatili i kamatu i sve. Ja sam se njim poznavao, uzeo sam 40.000 evra od njega, jer sam kockao i sada mogu da kažem uzeo sam na kamatu. Za 10 mjeseci sam mu vratio 80.000 evra. Otišli smo u sud, ali smo napisali smo da sam uzeo 80.000 i da ću vratiti taj iznos uz kamatu. Ja sam vratio pare, mi smo čak bili u dobrim odnosima, ali poslije 2, 3 godina su odnosi zahladnjeli i ja sam iz novina saznao da me tužio za 80.000 evra jer je taj papir ostao kod njega, ja ga nisam uzeo. Doveo čak "svjedoka" da kaže da ja nisam vratio pare", rekao je Lukas. 

On tvrdi i da je Popović svjedoku dao novac kako bi lažno svjedočio. 

"Ja te pare neću dati jer sam ih već dao! Cijeli život sam imao dugove i vraćao, evo nek kažu svi da li ima nekog da mu nisam vratio - njemu neću vratiti pa makar me ubili! Imam svjedoke, tražiću ponavljanje procesa i tužiću ga za zelenašenje i reketiranje. Imam puno svjedoka i boriću se", rekao je Lukas u "Hit tvitu".